ਜੀ ਹਾਂ, ਇਹ ਸਭ ਕੁਝ ਅਗਲੇ 10 ਤੋਂ 12 ਮਹੀਨਿਆਂ ਵਿਚ ਹੀ ਸੰਭਵ ਹੋਣ ਵਾਲਾ ਹੈ ਕਿਉਂਕਿ 5ਜੀ ਦੀ ਰਫ਼ਤਾਰ ਦਾ ਤੂਫ਼ਾਨ ਹੁਣ ਦਹਿਲੀਜ਼ ਤੱਕ ਪਹੁੰਚ ਗਿਆ ਹੈ। ਲੰਮੇ ਇੰਤਜ਼ਾਰ ਤੋਂ ਬਾਅਦ ਦੂਰਸੰਚਾਰ ਵਿਭਾਗ ਨੇ ਟੈਲੀਕਾਮ ਕੰਪਨੀਆਂ ਨੂੰ 5ਜੀ ਸੇਵਾ ਦੀ ਪ੍ਰੀਖਣ ਦੀ ਇਜਾਜ਼ਤ ਦਿੱਤੀ ਹੈ। 4 ਮਈ 2021 ਨੂੰ ਕਈ ਕੰਪਨੀਆਂ ਨੂੰ ਮਿਲੀ ਇਸ ਇਜਾਜ਼ਤ ਰਾਹੀਂ ਅਗਲੇ ਛੇ ਮਹੀਨਿਆਂ ਤੱਕ ਪ੍ਰੀਖਣ ਚੱਲਣਗੇ, ਜਿਸ ਦਾ ਮਤਲਬ ਇਹ ਹੈ ਕਿ ਇਹ ਕੰਪਨੀਆਂ ਇਸ ਸਾਲ ਦਸੰਬਰ ਵਿਚ ਜਾਂ ਫਿਰ ਅਗਲੇ ਸਾਲ ਜਨਵਰੀ ਫਰਵਰੀ ਵਿਚ 5ਜੀ ਸੇਵਾਵਾਂ ਹਿੰਦੁਸਤਾਨ ਵਿਚ ਸ਼ੁਰੂ ਕਰ ਸਕਦੀਆਂ ਹਨ।
5ਜੀ ਬਾਰੇ ਅਸੀਂ ਅੱਗੇ ਕੁਝ ਹੋਰ ਜਾਣੀਏ, ਇਸ ਤੋਂ ਪਹਿਲਾਂ ਇਹ ਜਾਣ ਲੈਣਾ ਜ਼ਰੂਰੀ ਹੈ ਕਿ ਕੀ 5ਜੀ ਤਕਨੀਕ ਦਾ ਦੇਸ਼ ਅਤੇ ਦੁਨੀਆ ਵਿਚ ਕਹਿਰ ਵਰਤਾਅ ਰਹੀ ਕੋਰੋਨਾ ਵਰਗੀ ਮਹਾਂਮਾਰੀ ਨਾਲ ਵੀ ਕੋਈ ਸਿੱਧਾ ਜਾਂ ਟੇਢਾ ਕਿਸੇ ਕਿਸਮ ਦਾ ਰਿਸ਼ਤਾ ਹੈ? ਕਿਉਂਕਿ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ਵਿਚ ਕਈ ਇਸ ਤਰ੍ਹਾਂ ਦੀਆਂ ਖ਼ਬਰਾਂ ਆ ਰਹੀਆਂ ਹਨ, ਜਿਨ੍ਹਾਂ ਵਿਚ ਕਿਹਾ ਗਿਆ ਹੈ ਕਿ ਭਾਰਤ ਵਿਚ ਕੋਰੋਨਾ ਦੀ ਖ਼ੌਫ਼ਨਾਕ ਦੂਜੀ ਲਹਿਰ ਕੁਝ ਹੋਰ ਨਹੀਂ ਸਗੋਂ 5ਜੀ ਤਕਨੀਕ ਦੇ ਹੋ ...
ਅਸੀਂ ਪਿਛਲੇ ਦਿਨਾਂ ਵਿਚ ਅਖ਼ਬਾਰਾਂ, ਟੈਲੀਵਿਜ਼ਨ ਅਤੇ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਆਲੇ-ਦੁਆਲੇ ਦੇ ਸ਼ਹਿਰਾਂ ਵਿਚ ਫਲਾਵਰ ਸ਼ੋਅ ਜਾਂ ਬੂਟਿਆਂ ਦੀਆਂ ਨੁਮਾਇਸ਼ਾਂ ਦੀਆਂ ਫੋਟੋ ਅਤੇ ਭਰਪੂਰ ਜਾਣਕਾਰੀ ਲੈਂਦੇ ਰਹੇ ਹਾਂ। ਇਹ ਫਲਾਵਰ ਸ਼ੋਅ ਵੱਖ-ਵੱਖ ਸੂਬਿਆਂ ਦੀਆਂ ਰਾਜ ਸਰਕਾਰਾਂ, ਵਿੱਦਿਅਕ ਅਦਾਰੇ, ਧਾਰਮਿਕ ਅਤੇ ਸਮਾਜ ਸੇਵੀ ਸੁਸਾਇਟੀਆਂ ਵਲੋਂ ਕਰਵਾਏ ਜਾ ਰਹੇ ਸਨ। ਜਿਸ ਵਿਚ ਮੌਸਮੀ ਫੁੱਲ ਅਤੇ ਹੋਰ ਵੇਲ ਬੂਟਿਆਂ ਦੀ ਨੁਮਾਇਸ਼ ਲਗਾਈ ਸੀ। ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਵਲੋਂ ਵੀ ਆਪਣੀ 1969 ਦੀ ਸਥਾਪਨਾ ਤੋਂ ਲੈ ਕੇ ਪਹਿਲਾ ਫਲਾਵਰ ਸ਼ੋਅ ਪੰਜਾਬੀ ਦੇ ਉੱਘੇ ਲਿਖਾਰੀ ਅਤੇ ਬੁੱਧੀਜੀਵੀ ਭਾਈ ਵੀਰ ਸਿੰਘ ਜੀ ਨੂੰ ਸਮਰਪਿਤ ਕਰਕੇ ਦਸੰਬਰ, 2017 ਵਿਚ ਆਯੋਜਿਤ ਕੀਤਾ ਗਿਆ। ਇਹ ਪਲੇਠੀ ਦਾ ਫਲਾਵਰ ਸ਼ੋਅ ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਪ੍ਰੋ: ਡਾ: ਜਸਪਾਲ ਸਿੰਘ ਸੰਧੂ ਦੀ ਵਾਤਾਵਰਨ ਅਤੇ ਖ਼ੂਬਸੂਰਤੀ ਵੱਲ ਡੂੰਘੀ ਅਤੇ ਵੱਡੀ ਸੋਚ ਦਾ ਨਤੀਜਾ ਹੋਇਆ। ਇਸ ਤੋਂ ਬਾਅਦ ਦੋ ਸ਼ੋਅ 2018 ਅਤੇ ਦੋ ਗੋਲਡਨ ਜੁਬਲੀ ਫਲਾਵਰ ਸ਼ੋਅ ਮਾਰਚ ਅਤੇ ਦਸੰਬਰ ਸ਼ੋਅ 2019 ਦੌਰਾਨ ਕਰਵਾਏ ਗਏ ਪ੍ਰੰਤੂ ਸਾਲ 2020 ਵਿਚ ਕੋਰੋਨਾ ਦੀ ਮਾਰ ਕਾਰਨ ...
(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
20 ਕੁ ਸਾਲ ਦੀ ਉਮਰ ਵਿਚ ਹੀ ਗੁਣਾਂ ਦੀ ਗੁਥਲੀ ਬਾਦਸ਼ਾਹ ਨੀਰੋ ਰਾਜਨੀਤੀ ਦੇ ਅਜਿਹੇ ਮਕੜਜਾਲ ਵਿਚ ਉਲਝਿਆ ਤੇ ਉਹ ਭੁੱਲ ਹੀ ਗਿਆ ਕਿ ਉਹ ਇਕ ਕੋਮਲ ਭਾਵੀ ਸ਼ਾਇਰ, ਰੰਗਮੰਚ ਦਾ ਸੰਜੀਦਾ ਅਦਾਕਾਰ, ਸੰਗੀਤ ਦਾ ਦੀਵਾਨਾ ਅਤੇ ਖੇਡ ਦੇ ਮੈਦਾਨ ਦੀ ਸ਼ਾਨ ਵੀ ਹੈ। ਉਸ ਦੇ ਸੀਨੇ ਵਿਚ ਅਜਿਹੀ ਅੱਗ ਬਲੀ ਕਿ ਨੀਰੋ ਇਕ ਨਿਰਦਈ ਬਾਦਸ਼ਾਹ ਬਣ ਕੇ ਹੀ ਰਹਿ ਗਿਆ।
ਉਪਰੋਕਤ ਗੁਣਾਂ ਦੀ ਬਜਾਏ ਬਾਦਸ਼ਾਹ ਨੀਰੋ ਦੇ ਦਿਲ ਵਿਚ ਪੁਰਾਣੇ ਘਰਾਂ, ਗੰਦੇ ਲੋਕਾਂ, ਬਦਬੂਦਾਰ ਥਾਵਾਂ ਅਤੇ ਇਨਸਾਨਾਂ ਦੀਆਂ ਬਦਸੂਰਤ ਸ਼ਕਲਾਂ ਨਾਲ ਸਖ਼ਤ ਨਫ਼ਰਤ ਘਰ ਕਰ ਗਈ। ਉਹ ਇਸਾਈਆਂ ਨੂੰ ਤਾਂ ਆਪਣਾ ਇਕ ਨੰਬਰ 'ਤੇ ਦੁਸ਼ਮਣ ਮੰਨੀ ਬੈਠਾ ਸੀ। ਟੈਸਟਸ, ਸੁਓਟੋਨੀਅਸ ਅਤੇ ਕੈਸੀਅਸ ਡਿਓ ਵਰਗੇ ਉਸ ਸਮੇਂ ਦੇ ਖੋਜੀ ਲੇਖਕ ਦੱਸਦੇ ਹਨ ਕਿ ਸੰਨ 62-63 ਦੇ ਕਰੀਬ ਬਾਦਸ਼ਾਹ ਨੀਰੋ ਨੇ ਆਪਣੀ ਸੈਨੇਟ ਅੱਗੇ ਸਮੁੱਚੇ ਰੋਮ (ਸਮੇਤ ਆਪਣੇ ਮਹਿਲ) ਨੂੰ ਢਾਹ ਕੇ ਆਪਣੀ ਇੱਛਾ ਅਨੁਸਾਰ ਨਵੇਂ ਸਿਰੇ ਤੋਂ ਉਸਾਰਨ ਦੀ ਤਜਵੀਜ਼ ਰੱਖੀ, ਜਿਸ ਤਜਵੀਜ਼ ਨੂੰ ਉਸ ਦੀ ਸੈਨੇਟ ਨੇ ਆਰਥਿਕ ਤੰਗੀ ਕਾਰਨ ਮੁੱਢ ਤੋਂ ਰੱਦ ਕਰ ਦਿੱਤਾ। ਉਸ ਦੀ ਇਸ ...
ਸਦੀਆਂ ਤੋਂ ਚੰਨ-ਤਾਰਿਆਂ ਬਾਰੇ ਜਾਣਨ ਲਈ ਹਨੇਰੀਆਂ ਰਾਤਾਂ ਝਾਕਦੇ ਮਨੁੱਖ ਨੇ ਪੁਲਾੜ ਵੱਲ ਪਹਿਲੀ ਪਰਵਾਜ਼ ਦਾ ਸੁਪਨਾ ਵੀਹਵੀਂ ਸਦੀ ਦੇ ਸੱਠਵਿਆਂ ਦੌਰਾਨ ਸੋਵੀਅਤ ਏਅਰਫੋਰਸ ਦੇ ਪਾਇਲਟ ਯੂਰੀ ਗਾਗਰਿਨ ਦੀ ਧਰਤੀ ਦੁਆਲੇ ਪੁਲਾੜ ਵਿਚ ਉੁਡਾਰੀ ਨਾਲ ਸਾਕਾਰ ਕੀਤਾ। ਉਸ ਪਿੱਛੋਂ ਮਨੁੱਖ ਨੇ ਚੰਨ 'ਤੇ ਪੈਰ ਧਰਿਆ ਅਤੇ ਹੁਣ ਲਾਲ ਗ੍ਰਹਿ ਮੰਗਲ 'ਤੇ ਜਾਣ ਦੀਆਂ ਤਰਕੀਬਾਂ ਬਣਾਉਦਿਆਂ, ਧਰਤੀ ਤੋਂ ਬਾਹਰ ਕਾਲੋਨੀਆਂ ਵਸਾਉਣ ਦੇ ਸੁਪਨੇ ਵੇਖ ਰਿਹਾ ਹੈ। ਭਵਿੱਖ ਦੇ ਉਲੀਕੇ ਟੀਚਿਆਂ ਦੌਰਾਨ ਜਿਹੜੇ ਪੁਲਾੜ ਯਾਤਰੀ ਮੰਗਲ ਜਾਂ ਹੋਰ ਪੁਲਾੜੀ ਪਿੰਡਾਂ ਵੱਲ ਜਾਣਗੇ, ਉਨ੍ਹਾਂ ਨੂੰ ਆਉਣ ਜਾਣ ਦੇ ਸਫ਼ਰ ਦੌਰਾਨ ਮਹੀਨਿਆਂ ਬੱਧੀ ਭਾਰਹੀਣਤਾ (ਮਾਈਕ੍ਰੋ ਗਰੈਵਿਟੀ) ਵਾਲੀ ਸਥਿਤੀ ਵਿਚ ਰਹਿਣਾ ਪਵੇਗਾ। ਪੁਲਾੜ ਏਜੰਸੀਆਂ ਇਨ੍ਹਾਂ ਮਿਸ਼ਨਾਂ ਤੋਂ ਪਹਿਲਾਂ ਭਾਰਹੀਣਤਾ ਦੇ ਮਨੁੱਖੀ ਸਰੀਰ ਉੱਪਰ ਪੈਣ ਵਾਲੇ ਪ੍ਰਭਾਵਾਂ ਨੂੰ ਸਮਝਣਾ ਚਾਹੁੰਦੀਆਂ ਹਨ ਤਾਂ ਕਿ ਪੁਲਾੜ ਯਾਤਰੀਆਂ ਨੂੰ ਸੁਰੱਖਿਅਤ ਅਤੇ ਸਿਹਤਮੰਦ ਰੱਖ ਕੇ ਇਨ੍ਹਾਂ ਮਿਸ਼ਨਾਂ 'ਤੇ ਭੇਜਿਆ ਜਾ ਸਕੇ। ਇਸ ਕਰਕੇ ਪੁਲਾੜ ਯਾਤਰੀਆਂ ਨੂੰ ਵੱਖ-ਵੱਖ ਸਮੇਂ ...
ਵਰਤਮਾਨ ਸਮੇਂ ਵਿਚ ਸ਼ਾਇਦ ਇਹ ਸਿਧਾਂਤ ਕਿਸੇ ਦੇ ਵੀ ਸਮਝ ਵਿਚ ਨਹੀਂ ਆ ਰਿਹਾ ਕਿ ਵਿਗਿਆਨ ਜਾਂ ਸੋਸ਼ਲ ਮੀਡੀਆ ਦੇ ਯੁੱਗ ਵਿਚ ਮਨੁੱਖ ਇਕ ਦੂਜੇ ਦੇ ਨੇੜੇ ਤਾਂ ਬਹੁਤ ਆ ਗਿਆ ਹੈ ਪਰ ਇਕੱਲਾ ਤੇ ਇਕੱਲਤਾ ਫਿਰ ਵੀ ਕਿਉਂ ਬਹੁਤ ਮਹਿਸੂਸ ਕਰ ਰਿਹਾ ਹੈ? ਜੇ ਅੱਜ ਵੀ ਚਾਰ ਬੰਦੇ ਕਿਸੇ ਦੇ ਹੱਕ ਵਿਚ ਬਾਂਹ ਖੜ੍ਹੀ ਕਰਕੇ ਇਹ ਗੱਲ ਕਹਿ ਰਹੇ ਹਨ ਕਿ, 'ਇਹ ਆ ਬੰਦੇ, ਰੱਬ ਇਹੋ ਜਿਹੇ ਸਭ ਨੂੰ ਬਣਾਵੇ' ਤਾਂ ਲਗਦਾ ਨਹੀਂ ਕਿ ਜ਼ਿੰਦਗੀ 'ਤੇ ਜਿਊਣ ਦਾ ਮਿਸ਼ਨ ਪੂਰਾ ਹੋ ਰਿਹਾ ਹੈ? ਕੈਲੀਫੋਰਨੀਆ ਦੇ ਮਰਸਿਡ ਸ਼ਹਿਰ ਵਿਚ ਵਸਦੇ ਅਟਵਾਲ ਭਰਾਵਾਂ, ਸਰਬਜੀਤ ਸਿੰਘ ਅਟਵਾਲ, ਕੁਲਦੀਪ ਸਿੰਘ ਅਟਵਾਲ ਤੇ ਸੁਰਜੀਤ ਸਿੰਘ ਅਟਵਾਲ ਬਾਰੇ ਆਮ ਲੋਕਾਂ ਦੀ ਅਜਿਹੀ ਹੀ ਧਾਰਨਾ ਹੈ ਤੇ ਹਰ ਕੋਈ ਇਨ੍ਹਾਂ ਦੇ ਸਤਿਕਾਰ ਵਿਚ ਆਪ ਮੁਹਾਰੇ ਹੀ ਬੂਹਾ ਖੋਲ੍ਹ ਦੇਣਾ ਚਾਹੁੰਦਾ ਹੈ। ਕੈਲੀਫੋਰਨੀਆ ਸੂਬਾ ਜੋ ਵਿਸ਼ਵ ਵਿਚ ਬਦਾਮਾਂ ਦੀ ਕੁੱਲ ਖਪਤ ਦਾ 80 ਫ਼ੀਸਦੀ ਹਿੱਸਾ ਉਤਪਾਦਨ ਕਰ ਰਿਹਾ ਹੈ, ਇਹ ਮੰਨਣਾ ਪਵੇਗਾ ਕਿ ਪੀਚ (ਆੜੂ) ਦੀ ਖੇਤੀਬਾੜੀ ਨਾਲ ਕਾਰੋਬਾਰ ਆਰੰਭ ਕਰਨ ਵਾਲੇ ਅਟਵਾਲ ਭਰਾ ਬਦਾਮਾਂ ਦੇ ਧੰਦੇ 'ਚ ਸਫਲ ਹੋਣ ਵਾਲੇ ਪਹਿਲੇ ਕਿਸਾਨਾਂ ਵਿਚੋਂ ...
ਕੋਇਲ (ASIAN KOEL) ਭਾਰਤੀ ਉਪਮਹਾਂਦੀਪ ਅਤੇ ਦੱਖਣੀ ਏਸ਼ੀਆ 'ਚ ਪਾਇਆ ਜਾਣ ਵਾਲਾ ਵੱਡੇ ਆਕਾਰ ਦਾ ਪੰਛੀ ਹੈ। ਕਾਲੇ ਰੰਗ ਦਾ ਇਹ ਪੰਛੀ ਨਜ਼ਰ ਬਹੁਤ ਘੱਟ ਆਉਂਦਾ ਹੈ ਪਰ ਇਸ ਦੀ ਸੁਰੀਲੀ ਆਵਾਜ਼ ਕਾਫ਼ੀ ਸੁਣਾਈ ਦਿੰਦੀ ਹੈ। ਮੱਧਮ ਆਕਾਰ ਦਾ ਇਹ ਪੰਛੀ ਨਰ ਕਾਲੇ ਜਾਂ ਗੂੜ੍ਹੇ ਨੀਲੇ ਰੰਗ ਦਾ ਹੁੰਦਾ ਹੈ ਤੇ ਇਸ ਦੀ ਅੱਖ ਸੁਰਖ ਲਾਲ ਰੰਗ ਦੀ ਹੁੰਦੀ ਹੈ ਪਰ ਇਸ ਦੀ ਮਾਦਾ ਚਿਤਕਬਰੀ ਹੁੰਦੀ ਹੈ। ਭੂਰੇ ਚਿੱਟੇ ਤੇ ਸਲੇਟੀ ਰੰਗ ਦੀ ਇਸ ਮਾਦਾ ਦੇ ਸਾਰੇ ਸਰੀਰ 'ਤੇ ਧਾਰੀਆਂ ਹੁੰਦੀਆਂ ਹਨ। ਇਸ ਪੰਛੀ ਦਾ ਇਕ ਵਿਹਾਰ ਬੜਾ ਦਿਲਚਸਪ ਹੈ ਕਿ ਇਹ ਪੰਛੀ ਕਦੇ ਆਪਣਾ ਆਲ੍ਹਣਾ ਨਹੀਂ ਬਣਾਉਂਦਾ ਪਰ ਮਾਦਾ ਉੱਪਰੇ (ਕਿਸੇ ਹੋਰ ਪੰਛੀ) ਆਲ੍ਹਣੇ ਵਿਚ ਆਂਡੇ ਦਿੰਦੀ ਹੈ। ਜਿਵੇਂ ਕਾਂ ਜਾਂ ਮੈਨਾ ਜਾਂ ਕੋਈ ਹੋਰ ਪੰਛੀ ਦੇ ਆਲ੍ਹਣੇ 'ਚ ਚੁਪਕੇ ਜਿਹੇ ਜਾ ਕੇ ਇਕ ਜਾਂ ਦੋ ਆਂਡੇ ਦਿੰਦੀ ਹੈ ਤੇ ਉਸ ਪੰਛੀ ਨੂੰ ਇਸ ਦਾ ਪਤਾ ਨਹੀਂ ਚਲਦਾ ਲੱਗਦਾ ਹੈ। ਮੇਜ਼ਬਾਨ ਪੰਛੀ ਦੇ ਅੰਡੇ ਦੇਣ ਤੋਂ ਬਾਅਦ ਜਦੋਂ ਉਹ ਖਾਣੇ ਦੀ ਤਲਾਸ਼ 'ਚ ਬਾਹਰ ਜਾਂਦੇ ਹਨ ਤੇ ਕੋਇਲ ਚੁਪਕੇ ਜਿਹੇ ਜਾ ਕੇ ਉਸ ਆਲ੍ਹਣੇ ਵਿਚੋਂ ਮੇਜਬਾਨ ਪੰਛੀ ਦੇ ਆਂਡੇ ਬਾਹਰ ਸੁੱਟ ਦਿੰਦੀ ਹੈ ਅਤੇ ...
ਸੰਨ 1913 ਵਿਚ ਸ਼ੁਰੂ ਹੋਇਆ ਹਿੰਦੀ ਸਿਨੇਮਾ ਤੇ ਸੰਨ 1928 ਵਿਚ ਜਨਮ ਲੈਣ ਵਾਲਾ ਪੰਜਾਬੀ ਸਿਨੇਮਾ ਅਜੋਕੇ ਸਮੇਂ ਵਿਚ ਲੋਕ ਬਾਲੀਵੁੱਡ ਤੇ ਪਾਲੀਵੁੱਡ ਦੇ ਨਾਂਅ ਨਾਲ ਜਾਣਦੇ ਹਨ ਤੇ ਹੁਣ ਇੰਡਸਟਰੀ ਦਾ ਰੂਪ ਧਾਰ ਚੁੱਕੇ ਇਨ੍ਹਾਂ ਖੇਤਰਾਂ ਨਾਲ ਜੁੜੇ ਲੱਖਾਂ ਅਦਾਕਾਰ, ਗੀਤਕਾਰ, ਸੰਗੀਤਕਾਰ, ਗਾਇਕ, ਤਕਨੀਸ਼ੀਅਨ, ਨਿਰਮਾਤਾ, ਨਿਰਦੇਸ਼ਕ, ਪ੍ਰੋਡਕਸ਼ਨ ਮੈਨੇਜਰ ਅਤੇ ਸਪਾਟ ਬੁਆਏ ਆਦਿ ਆਪਣੀ ਰੋਜ਼ੀ ਰੋਟੀ ਚਲਾ ਰਹੇ ਹਨ ਤੇ ਦੇਸ਼ਾਂ-ਵਿਦੇਸ਼ਾਂ 'ਚ ਮੌਜੂਦ ਕਰੋੜਾਂ ਸਿਨੇਮਾ ਪ੍ਰੇਮੀ ਵੀ ਇਨ੍ਹਾਂ ਨੂੰ ਆਪਣਾ ਭਰਪੂਰ ਪਿਆਰ ਦਿੰਦੇ ਆ ਰਹੇ ਹਨ। ਹੁਣ ਤੱਕ ਬਾਲੀਵੁੱਡ ਦਾ ਵਿਸ਼ਲੇਸ਼ਣਾਤਮਿਕ ਲੇਖਾ-ਜੋਖਾ ਕਰਨ ਵਿਚ ਅਨੁਪਮਾ ਚੋਪੜਾ, ਸੀ. ਡੀ. ਦਾਸ ਗੁਪਤਾ, ਦੀਪਕ ਬੋਸ, ਕਮਲ ਰਾਸ਼ਿਦ ਖ਼ਾਨ, ਨਮਰਤਾ ਜੋਸ਼ੀ, ਰਾਜੀਵ ਮਸੰਦ, ਤਰੁਣ ਆਦਰਸ਼ ਅਤੇ ਵੀ. ਕੇ. ਜੋਸਫ਼ ਸਮੇਤ ਚੰਦ ਕੁ ਹੋਰ ਫ਼ਿਲਮ ਸਮੀਖਿਅਕਾਂ ਤੇ ਆਲੋਚਕਾਂ ਨੇ ਆਪਣਾ ਮਹੱਤਵਪੂਰਨ ਯੋਗਦਾਨ ਪਾਇਆ ਹੈ ਪਰ ਪੰਜਾਬ ਦੀ ਧਰਤੀ 'ਤੇ ਇਕ ਅਜਿਹਾ ਸ਼ਖ਼ਸ ਪੈਦਾ ਹੋਇਆ ਸੀ ਜਿਸ ਨੇ ਨਾ ਕੇਵਲ ਬਾਲੀਵੁੱਡ ਤੇ ਪਾਲੀਵੁੱਡ ਨੂੰ ਨੇੜਿਉਂ ਦੇਖ ਕੇ ਇਨ੍ਹਾਂ ਦਾ ਡੂੰਘਾ ਅਧਿਐਨ ਕੀਤਾ ਸੀ ...
(ਲੜੀ ਜੋੜਨ ਲਈ ਪਿਛਲੇ ਐਤਵਾਰ ਦਾ ਅੰਕ ਦੇਖੋ)
1931 ਵਿਚ ਜਦੋਂ ਲਾਸ ਏਂਜਲਸ ਵਿਚ ਇਹ ਫ਼ਿਲਮ ਲੱਗੀ ਤਾਂ ਟਿਕਟ ਲੈਣ ਲਈ ਪੱਚੀ ਹਜ਼ਾਰ ਲੋਕਾਂ ਦੀ ਭੀੜ ਉਤਾਵਲੀ ਹੋ ਰਹੀ ਸੀ। ਪੁਲਿਸ ਨੇ ਬੜੀ ਮੁਸ਼ਕਿਲ ਨਾਲ ਇਨ੍ਹਾਂ ਲੋਕਾਂ ਨੂੰ ਕਾਬੂ ਕੀਤਾ।
ਲੰਡਨ ਵਿਚ ਵੀ ਇਹੀ ਹਾਲ ਸੀ। ਦੇਖਿਆ ਜਾਏ ਤਾਂ ਇਹ ਬੋਲਾਂ ਤੇ ਖਾਮੋਸ਼ੀ ਦੀ ਜਿੱਤ ਸੀ। ਇਹ ਖ਼ਾਮੋਸ਼ੀ ਦੀ ਤਾਕਤ ਦਾ ਹੀ ਚਮਤਕਾਰ ਸੀ। ਉਸ ਦੇ ਅੰਦਰ ਇਕ ਨਿੱਜੀ, ਅਦਭੁਤ ਤੇ ਬੇਜੋੜ ਜਿਹੀ ਸ਼ਕਤੀ ਸੀ ਜੋ ਕਿਸੇ ਹੋਰ ਕਾਮੇਡੀਅਨ ਵਿਚ ਨਹੀਂ ਹੈ। ਇਸ ਕਰਕੇ ਚਾਰਲੀ ਅੱਜ ਵੀ ਸ੍ਰੇਸ਼ਟ ਹੈ। ਟ੍ਰੈਜਡੀ ਕਾਮੇਡੀ ਉਸ ਦੇ ਖੂਨ ਵਿਚ ਘੁਲੀ ਹੋਈ ਲਗਦੀ ਹੈ। 'ਦੀ ਗ੍ਰੇਟ ਡਿਕਟੇਟਰ' ਵਿਚ ਕਾਮੇਡੀ ਦੇ ਬਜਾਏ ਟ੍ਰੈਜਡੀ ਦੇ ਤੱਤ ਵਿਸ਼ੇਸ਼ ਰੂਪ ਵਿਚ ਉੱਭਰਦੇ ਹਨ। ਇਹ ਇਕ ਡਿਕਟੇਟਰ ਦੀ ਸੰਪੂਰਨ ਨਕਲ ਹੈ, ਜਿਸ ਵਿਚ ਹਾਸੇ ਦੇ ਨਾਲ-ਨਾਲ ਪੀੜ ਵੀ ਮਹਿਸੂਸ ਹੁੰਦੀ ਹੈ। ਕਾਮੇਡੀ ਟ੍ਰੈਜਡੀ ਦੇ ਇਕੱਠੇ ਨਿਭਾਅ ਵਿਚ ਉਹ ਚਾਰਲਸ ਡਿਕਨਜ਼ ਦਾ ਭਰਾ ਲਗਦਾ ਹੈ। ਉਹ ਕਾਮੇਡੀ ਦੇ ਨਾਲ ਟ੍ਰੈਜਡੀ ਨੂੰ ਇਉਂ ਬੁਣਦਾ ਸੀ ਕਿ ਦਰਸ਼ਕ ਹਾਸੇ ਤੇ ਹੰਝੂ ਦੀ ਧਾਰ ਨਾਲ ਉਸ ਦੀਆਂ ਫ਼ਿਲਮਾਂ ਦੇਖਦੇ ਸਨ।
ਚਾਰਲੀ ਦੀ ...
Website & Contents Copyright © Sadhu Singh Hamdard Trust, 2002-2021.
Ajit Newspapers & Broadcasts are Copyright © Sadhu Singh Hamdard Trust.
The Ajit logo is Copyright © Sadhu Singh Hamdard Trust, 1984.
All rights reserved. Copyright materials belonging to the Trust may not in whole or in part be produced, reproduced, published, rebroadcast, modified, translated, converted, performed, adapted,communicated by electromagnetic or optical means or exhibited without the prior written consent of the Trust.
Powered by REFLEX